როგორ ირგვება ნერგი

წინასწარ მონიშნულ და დამუშავებულ ადგილზე უნდა ამოითხაროს 60სმ სიღრმის და 60 სმ სიგანის ორმო. გააფხვიერეთ ამოღებული მიწა, დამწვარი ნაკელის ქონის შემთხვევაში ერთი ბარი ნაკელი აურიეთ ამოღებულ მიწაში, შემდეგ ჩაყარეთ ნაკელიანი მიწა უკან ორმოში, 30 სმ სიღრმეზე მოათავსეთ ნერგი და დააყარეთ დარჩენილი მიწა დატკეპნეთ და მორწყეთ, ერთ ნერგზე 30-40 ლიტრი. 

ნერგის გარშემო აუცილებელია წყალშემკრები ჟამი. დიდი ნერგის დარგვის შემთხვევაში ასევე აუცილებელია მისი ფიქსაცია. 

ნერგთა შორის დაშორება - 5x5 მეტრი (გამწვანების მიზნით) და 4x4მეტრი (პლანტაციის გაშენების მიზნით)  ღობიდან უნდა იყოს დაშორებული მინიმუმ 2 მეტრით, ხოლო სახლიდან მინიმუმ 3 მეტრით. პავლონია იდეალურად იზრდება ზღვის დონიდან 800 მეტრამდე, მაგრამ ხარობს უფრო მაღალ რეგიონებშც მაგალითად ზღვის დონიდან 1400 მეტრზე.

ნერგის მოვლა და მორწყვა

თუ ნერგი ირგვება გაზაფხულზე, სასურველია ნერგი მოირწყას დარგვიდან მესამე, მეექვსე და მეცხრე დღეს, შემდეგ საშუალოდ კვირაში ერთხელ, თუ ნერგი ირგვება შემოდგომას ირწყვება მხოლოდ დარგვისას. 1 ნერგზე საშუალოდ 30-40 ლიტრი წყალი. გაზაფხულის პერიოდში შეგვიძლია მივახმაროთ სასუქი (blackjack) 1mg სასუქი გაზავებული 1 ლიტრ წყალში 1x ნერგზე დარგვიდან მეათე და მეოცე დღეს, ასევე გამოიყენება გვარჯილა ივლისის დასაწყისში, 2-3 სუფრის კოვზი თითო ნერგზე. გვარჯილის მოპნევის შემდეგ აუცილებელია ნერგის მორწყვა. რეკომენდირებულია ნერგის გარშემო მიწის მონაკვეთის გასუფთავება ზედმეტი ბალახისგან ნახევარი მეტრის რადიუსში. 

1.5 მეტრის სიმაღლის ნერგის გასხვლა: გაზაფხულზე დარგული ნერგი უნდა გადაიჭრას მიწიდან საშვალოდ 15სმ-ზე. დაახლოებით ერთ თვეში ნერგი გამოიტანს კვირტებს, წამოღებული კვირტებიდან, როდესაც ისინი მიაღწევენ საშვალოდ 20 სმ-ს უნდა დავტოვოთ ერთი ყველაზე დიდი და ჯანმრთელი დანარჩენები მოვაჭრათ  სტერილური მაკრატლით ან სეკატორით. დროთა განმავლობაში ნერგს, ღეროს და ფოთოლს შორის გამოაქვს ნამხრევები, რომლებიც უნდა შევაცალოთ 2-2.5 მეტრის სიმაღლემდე სეკატორით ან მაკრატლით ზომიდან გამომდინარე.

ზემოთხსენებული პროცედურები ნერგზე უნდა გატარდეს დარგვიდან ორ წლამდე.

2 მეტრის სიმაღლის ნერგის გასხვლა: გაზაფხულზე 2მ-ზე მაღალი ნერგის გასასხლავად საჭიროა კვირტების მოცილება 2მ სიმაღლეზე სტერილური სეკატორით ან მაკრატელით. კვირტებს ვტოვებთ მხოლოდ ნერგის ზედა ნაწილში, რომლებიც მომავალი "ტოტებია".